خوایە دوورمان بخەوە لەو کەسانەی که ئیمانیان نیە، گوێ بۆ ئامۆژگاری ناگرن، حەزی ڕێنموویی کردنیان تێدا کوژاوەتەوە، ناگەڕێن و ناپرسن، لەسەر گومڕاییەکی ئاشکران، بێئاگا کەوتوون، تاریکی گومان و ئارەزووەکان دڵ و چاوی کوێر کردوون! خوایە مۆر مەنێ بهسهر دڵ و گوێماندا، پهردەی نەزانی و گومڕایی لەسەر چاوماندا لابەرە، یارمەتیمان بدە لە باش بیرکردنهوه، بیستنی حهق، بینینی ڕاستییهکان، پارێزراومان بکە لە سزای سهختی خۆت! خوایە ڕاستگۆییمان پێ ببەخشە لە ئیمان هێنان بە خۆت، به ڕۆژی قیامهت، دوورمان بخەوە لە درۆ، چەواشەکاری، نەزانی و جەهالەت؛ ئازایەتی و شەرم و حەیا و شکۆمان پێ ببەخشە! خوایە لە سەرلێشێواویەکانی کۆن و نوێ بمانپارێزە، لە قەڵا تایبەتەکانی خۆت لە بێ هەستی، تێنەگەیشتن، بیرنەکردنەوە پارێزراومان بکە، بمانخە ڕیزی ئەوانەی کە خاوەن ئیمان و باوەڕێکی ڕاستەقینەن! خوایە دڵ و دهروونمان پاک بکەوە لە نهخۆشی کوفر و شیرک و حهسوودی و کینه، شیفای نەخۆشیەکانمان بدە، سەرفرازی هەمیشەیی ببەخشە بە دڵمان، ڕووناکیەکانمان بۆ زۆر زیاتر بکە! خوایە لە دووڕوویی دوورمان بخەوە بە دووری ڕۆژهەڵات و ڕۆژئاوا، تۆوی...
خوایه بهردهوام ڕێنمووییمان بکە بۆ ڕێبازی ڕاست، ئەو ئیسلامهمان پێ بناسێنە کە تۆ لێی ڕازی، وەری دەگری، لە ناو هەموو دەستە و تاقمە زۆرەکان ڕۆشنایی زیاترمان پێ ببەخشە بۆ ناسینەوە، شوێن کەوتن، ملکەچ بوون! خوایە بمانخە سەر بهرنامه و ڕێبازی ئهوانهی کە له ناز و نیعمهتی خۆت بههرهوهرت کردوون، نهمانخهیته سهر ڕێبازی ئهوانهی خهشم و قینیان لێگیراوه، یارمەتیمان بدە ئەوەی دەیزانین کاری پێبکەین، مەمانخە سهر ڕێبازی ئهوانهی که سهرگهردان و گومڕابوونە بەهۆی نهزانینیانهوه! خوایە ئەو نهێنیانەمان پێ ببەخشە کە بۆ دواڕۆژ سوودمان پێدەگەینن، لەو نهێنیانە دوورمان بخەوە کە بێئاگامان دەکەن، زیاتر سەرقاڵمان دەکەن بە دونیا، بە چێژ و خۆشیەکانی! خوایە لە پەرتوکەکەی خۆت زیاتر نزیکمان بخەوە، گومانەکانی سەر دڵمان بڕەوێنەوە، بیکە هیدایەت و ڕێنموویی تەواو، لە ژێر سێبەری تەقوا دڵمان بحەسێنەوە، دونیامان جوانتر بکە، قیامەتمان بە پێزتر بکە! خوایە باوەڕمان زیاتر بکە بەو نەبینراوانەی خۆت ئێمە پێ تاقیدەکەیەوە، یارمەتیمان بدە نوێژهكانمان بهچاكتر ئهنجام بدەین، دڵمان نەرم بکە لهو ڕزق و ڕۆزییه حهڵاڵهی...