خوایە دوورمان بخەوە لەو کەسانەی که ئیمانیان نیە، گوێ بۆ ئامۆژگاری ناگرن، حەزی ڕێنموویی کردنیان تێدا کوژاوەتەوە، ناگەڕێن و ناپرسن، لەسەر گومڕاییەکی ئاشکران، بێئاگا کەوتوون، تاریکی گومان و ئارەزووەکان دڵ و چاوی کوێر کردوون!
خوایە مۆر مەنێ بهسهر دڵ و گوێماندا، پهردەی نەزانی و گومڕایی لەسەر چاوماندا لابەرە، یارمەتیمان بدە لە باش بیرکردنهوه، بیستنی حهق، بینینی ڕاستییهکان، پارێزراومان بکە لە سزای سهختی خۆت!
خوایە ڕاستگۆییمان پێ ببەخشە لە ئیمان هێنان بە خۆت، به ڕۆژی قیامهت، دوورمان بخەوە لە درۆ، چەواشەکاری، نەزانی و جەهالەت؛ ئازایەتی و شەرم و حەیا و شکۆمان پێ ببەخشە!
خوایە لە سەرلێشێواویەکانی کۆن و نوێ بمانپارێزە، لە قەڵا تایبەتەکانی خۆت لە بێ هەستی، تێنەگەیشتن، بیرنەکردنەوە پارێزراومان بکە، بمانخە ڕیزی ئەوانەی کە خاوەن ئیمان و باوەڕێکی ڕاستەقینەن!
خوایە دڵ و دهروونمان پاک بکەوە لە نهخۆشی کوفر و شیرک و حهسوودی و کینه، شیفای نەخۆشیەکانمان بدە، سەرفرازی هەمیشەیی ببەخشە بە دڵمان، ڕووناکیەکانمان بۆ زۆر زیاتر بکە!
خوایە لە دووڕوویی دوورمان بخەوە بە دووری ڕۆژهەڵات و ڕۆژئاوا، تۆوی گوناهو تاوان و خراپهکاری لە دڵمان کز و لاواز بکە، چاکسازی ببەخشە بە دڵ و ڕۆحمان، ئارامی بگەڕێنەوە بۆ ناو ژیانمان!
خوایە تۆوی چاکە و سەربەرزی لە ناخمان بڕوێنە، نەفسمان دووربخەرەوە لە لووت بهرزی و دهردهدارییە قورسەکان بەتایبەت ئەو کاتەی شیفای قورس دەبێ!
Comments
Post a Comment