خوایە لە ڕێزی دووڕوان و ریابازان دوورمان بخەوە، نیازپاکی و ئیخلاصمان پێببەخشە، لە ورد و درشتی کارەکانمان!
خوایە لە ململانێی جەنگی نەفس و شەیتان سەرمان بخەی، هێز و پێزی ئیمانمان تێدا بگەشێتەوە!
خوایە جوانتر فێری تەوحیدمان بکە، بیکە چرایەکی زۆر رووناک لە ژیانمان، تاریکاییەکانی رابردوو و ئێستامان بسڕێتەوە!
خوایە فێری ناسینی خۆتمان بکە، تاوەکو زیاتر لێت بترسین، خۆشمان بوێی، ئومێدی زیاترمان بە تۆ بێ!
ئەی سەرچاوەی هەموو ئومێدەکان، ئومێدی راستەقینە بۆ دڵمان بگەڕێنەوە، ئازار و خەمەکانمان لەسەر لابە!
ئەی بێ نیاز لە هەموو کەسێک، پێداویستیەکانمان بۆ جێبەجێ بکە، دڵمان رازی بکە بە بەخششەکانی خۆت!
ئەی تاک و تەنها، پەنامان بدە لە شیرک و بیدعە، هێزی تەوحید لە دڵمان بچەسپێنە، ڕاگیرمان بکە!
Comments
Post a Comment