خوایە لە گوناهـ و تاوان دوورمان بخەوە، ئەو بەندانەی خۆتمان پێبناسێنە کە لە تۆمان نزیک دەکەنەوە، دوورمان دەخەنەوە لە نەفس و شەیتان!
خوایە پەنامان بدەی لە چاوی حەسودان، لە دەستی خراپەکار و ناپاکان!
خوایە لە بەخششەکانی خۆت دەوڵەمەندمان بکە، خەونەکانمان بۆ بکە بە راستی، حەڵاڵمان لا خۆشەویست بکە!
ئەی وەڵامدەرەوەی بەندەکان، ئەی ئەو زاتەی گوێت لە دەنگی بەندەکانتە، دەنگ و داواکاری ئەوانت لێ تێکەڵ نابێ، وەڵامی تکا و نوزانەوەکانمان بدەوە، ئەوەی داوای دەکەین بۆمان بکە بە ڕاستی!
خوایە هەنگاوەکانی هاتن بۆ لای خۆتمان بۆ ئاسان بکە، رێگای گەیشتنمان بە رەزامەندی خۆت نیشان بدە، دوورمان بخەوە لە رێگا لارەکانی شەیتان!
خوایە پەنامان بدە لە شەڕی دروستکراوەکانت، چاکە و خێری زۆرمان پێببەخشە، پەنامان بدە لە جەهل و نەزانی و بێباکی!
خوایە سەرکەوتنمان پێببەخشە بەسەر نەفس و حەز و ئارەزووەکانمان، رۆشنایی هیدایەتمان لا شیرنتر بکەی، بمانکە دۆستی خۆت پاشان دۆستی ئەوانەی کە خۆت خۆشت دەوێن!
Comments
Post a Comment