خوایە بمانپارێزە لە شیرک و بیدعە و گومڕایی!

خوایە بمانپارێزە لە شیرک و بیدعە و گومڕایی، ژیانمان رووناک بکەوە بە تەوحید و سوننە و هیدایەتی خۆت!

خوایە لە سەرلێشێواویەکانی سەر رێگا پارێزراومان بکە، لە خەشم و توڕەبوونی خۆت دوورمان بخەوە، رازیبوونی خۆتمان پێببەخشە!

خوایە بەخششی دڵنیاییمان پێ ببەخشە، لە گومان و دوو دڵی دوورمان بخەوە، سەربەرز و سەرکەوتوو و سەرفرازمان بکە!

خوایە پێمان ببەخشە لە نیعمەتە چاک و پاکەکانی خۆت، وەڵامی داواکانمان بدەوە، دڵمان رۆشن بکەوە بە گەشبینی و گومانی باش بردن بە خۆت!

ئەی خاوەن ئەوپەڕی ئارامگری، ئارامی و ئاسایشی دەروونیمان پێ ببەخشە، لەسەر پەرستنی خۆت، دوورکەوتنەوە لە گوناهـ، لە ساتی دابەزینی بەڵا و ناخۆشیەکان، لە هەموو ئەو پاداشتانە بێ بەشمان مەکە کە بۆ ئارامگرانت داناوە!

خوایە ئاشتی و ئارامی و ئاسودەییمان بەسەردا ببارێنە، ڕاڕایی و دوو دڵیەکانمان لەسەر لابە، دڵنیاییمان پێببەخشە!

خوایە بەهۆی تەقواوە بەرزی و شکۆمەندیمان پێببەخشە، لە گوناه و تاوان دوورمان بخەوە، ترسی خۆتمان لە دڵ جێگیر بکە!

Comments

خوایە ئەو نهێنیانەمان پێ ببەخشە کە بۆ دواڕۆژ سوودمان پێدەگەینن!

خوایه به‌رده‌وام ڕێنمووییمان بکە بۆ ڕێبازی ڕاست، ئەو ئیسلامه‌مان پێ بناسێنە کە تۆ لێی ڕازی، وەری دەگری، لە ناو هەموو دەستە و تاقمە زۆرەکان ڕۆشنایی زیاترمان پێ ببەخشە بۆ ناسینەوە، شوێن کەوتن، ملکەچ بوون! خوایە بمانخە سەر به‌رنامه و ڕێبازی ئه‌وانه‌ی کە له ناز و نیعمه‌تی خۆت به‌هره‌وه‌رت کردوون، نه‌مانخه‌یته سه‌ر ڕێبازی ئه‌وانه‌ی خه‌شم و قینیان لێگیراوه، یارمەتیمان بدە ئەوەی دەیزانین کاری پێبکەین، مەمانخە سه‌ر ڕێبازی ئه‌وانه‌ی که سه‌رگه‌ردان و گومڕابوونە بەهۆی نه‌زانینیانه‌وه‌! خوایە ئەو نهێنیانەمان پێ ببەخشە کە بۆ دواڕۆژ سوودمان پێدەگەینن، لەو نهێنیانە دوورمان بخەوە کە بێئاگامان دەکەن، زیاتر سەرقاڵمان دەکەن بە دونیا، بە چێژ و خۆشیەکانی! خوایە لە پەرتوکەکەی خۆت زیاتر نزیکمان بخەوە، گومانەکانی سەر دڵمان بڕەوێنەوە، بیکە هیدایەت و ڕێنموویی تەواو، لە ژێر سێبەری تەقوا دڵمان بحەسێنەوە، دونیامان جوانتر بکە، قیامەتمان بە پێزتر بکە! خوایە باوەڕمان زیاتر بکە بەو نەبینراوانەی خۆت ئێمە پێ تاقیدەکەیەوە، یارمەتیمان بدە نوێژه‌كانمان به‌چاكتر ئه‌نجام بدەین، دڵمان نەرم بکە له‌و ڕزق و ڕۆزییه حه‌ڵاڵه‌ی...

خوایە فێرمان بکە چۆن لێت بپاڕێینەوە!

خوایە ئەو کاتانە لوتکەی ئاسودەییمان پێببەخشە کە تەرخانمان کردووە بۆ پەرستنی خۆت، بۆ گوێڕایەلی و نزیکبوونەوە لە خۆت! خوایە فێرمان بکە چۆن لێت بپاڕێینەوە، چۆن تکات لێبکەین و داوای خێر و چاکەت لێبکەین، فێرمان بکە چۆن داوای لێخۆشبوونت لێبکەین! خوایە شارەزامان بکە بە ناو و سیفەتە بەرزەکانت، ڕێگای ناسینی خۆتمان بۆ ئاسان بکە، بە ناوە جوان و سیفەتە بەرز و بەپێزەکانت بانگت بکەین و هاوارت لێبکەین! خوایە یارمەتیمان بدە کە چۆن هانی خەڵکی بدەین بۆ چاکە، بۆ ڕێگای تەوحید، بۆ خورەوشتی جوان و ئەدەب و شەرم و حەیا! خوایە نوێژەکانمان لا خۆشەویستتر بکە، دڵمان پەیوەست بە نوێژەکان، بە نوێژی چێشتەنگاو، نوێژی ویتر، بە نوێژە سوننەتەکان، بۆمان بکە بە رۆشنایی چاوەکانمان! خوایە لە بێ ئاگایی دوورمان بخەوە، دڵ و هۆش و مێشکمان سەرقاڵ بکە بەو کارانەی کە ماڵێکی جوانمان بۆ دروست دەکەن لە بەهەشتەکان! خوایە گەشتی هاتنی بۆ لای خۆتمان پێنیشان بدە، ئاسانی بکە، پەنامان بدە لە هەڵخەڵەتێنەر و بێئاگاکردنەکانی سەر ڕێگامان!

ئەی پاشای گەورە، خاوەنی ئاسمان و زەوی!

ئەی پاشای گەورە، خاوەنی ئاسمان و زەوی، گەورەیی و خۆشویستنی خۆت بچەسپینە لە دڵمان، تا بچوک و هیچ و پوچەکان بە جوانی ببینین، هەیبەتی تۆمان لا جوانتر دەربکەوێ! ئەی بەخشندە و دەوڵەمەند، هەموو ئەوانەمان پێببەخشە لە خێر و خۆشی کە داوات لێدەکەین، دڵمان دەوڵەمەند بکە، لە نەخۆشی دوورمان بخەوە، ئازار و ناخۆشیمان بۆ بکە بە خۆشی و حەسانەوە، ژیانێکی گەشاوەمان بۆ فەراهەم بکە، پڕبێ لە ئاسوودەیی و لوتکەی ئارامی دەروونی! خوایە بەخشندەیی و میهرەبانی خۆتمان پێ ببەخشە، بمانخە ناو کانگای ڕه‌حمه‌ت و سۆزو به‌زه‌‌یی خۆت، میهرەبان و بەخشندەمان بکە بۆ موسڵمانان، بە ماڵ و سامان و دەست و دڵ، بە ئاشکرا و بە نهێنی! خوایە فێری سوپاس و ستایشی خۆتمان بکە، سوپاس و ستایشێکی بێ سنوور، سوپاس و ستایشێکی شایستە بە گەورەیی و شکۆی خۆتەوە، سوپاس و ستایشێک شایستەبێ بە په‌روه‌ردگارێتی خۆت، کە تەنها خۆت پەرەوردگاری جیهانیان و هه‌موو بوونه‌وه‌ری! خوایە بمانخە ناو زەریای ڕه‌حمه‌ت و میهره‌بانی خۆتەوە، خوایە ئەو ڕەحمەتەمان لە نێو چاوان بنوسە کە له دنیادا هه‌موو شتێکی گرتۆته‌وه‌، خوایە ئەو ڕەحمەتەت لێ داوا دەکەین کە لە قیامەت تەن...

نسار

Search This Blog