خوایە نەفسمان پەروەردە بکە بە نانی حەڵاڵ، بە قەناعەت و چاوتێری، دوورمان بخەوە لە ڕیابازی!
خوایە ئەو دوعایانە بخە سەر زمانمان کە پێی لە تۆ نزیک دەبینەوە، زیاتر بەرەو لای تۆ دێین، پەنامان بدە لە دوعایەک کە تۆ وەڵامی نادەیەوە!
خوایە فێری سوپاس و ستایشی خۆتمان بکە، بۆ هەموو نیعمەتە دیار و ئاشکراکان، بۆ نیعمەتە شاراوە و نادیارەکانیش!
خوایە بمانپارێزە لە نەخۆشیەکانی دڵ، لە نەخۆشیە جەستەیی و دەروونیەکان، دڵمان پڕ بکە لە ئاسودەیی و رازیبوون!
خوایە گومان لە دڵمان بخە دەرەوە، دڵنیاییمان پێ ببەخشە، ئەو زانستەمان پێ ببەخشە کە جێگیرمان دەکات!
خوایە ئیمان لە دڵمان زیاد بکە، ئیمان بە خۆت، بە ئیمان بە هەموو ئەو شتانەی پەنهانن!
خوایە فێری بەخشینمان بکە، بەخشینێک لە هەموو ئەو شتانەی پێت بەخشیوین!
Comments
Post a Comment