ئەی خاوەن شکۆ و بە دەسەڵات، بە تەقوا و گوێڕایەڵیکردنی خۆت شکۆمان پێ ببەخشە، زاڵمان بکە بەسەر دوژمنەکانمان، ڕێز و قەدرمان زیاد بکە!
خوایە هێزی ئیمانمان بۆ زیاد بکە، دڵمان پەیوەست بکە بە قیامەت، لە دونیا پەرستی دوورمان بخەوە!
خوایە بمانکە کەسێکی لە خواترس، تەقوا زادی ڕێگای ژیانمان بێ، لە گوناە و تاوانەکانمان خۆش بە، باری تاوانمان بۆ سووک بکە!
خوایە بەرچاو ڕۆشنی زیاترمان پێببەخشە کە کار بۆ قیامەتمان بکەین، لە فڕوفێڵ و تەڵەکانی شەیتان بمانپارێزە!
خوایە خۆشویستنی خۆتمان پێببەخشە، دڵمان ئاوەدان بکەوە بەو خۆشەویستیە، لە خۆشویستنی دونیا وئەهلی دونیا پارێزراومان بکە!
خوایە زیاتر پەیوەستمان بکە بە داپۆشراوی، شەرم و حەیا، نەرم و نیانی، ئەدەب و خوڕەوشت جوانی، جوانترمان بکە بە پلەی بەرزتر!
خوایە تێرمان بکە لە رزقی حەڵاڵ، بێ نیازمان بکە لە شتانێک کە پاک نین، حەرامەکان لە دڵمان ناشیرین بکە!
Comments
Post a Comment