خوایە ئازارەکانی سەرمان لابەرە، لە خەم و ناخۆشی، لە بەڵا و نەخۆشی، گوناهـ و تاوانەکانمان لەسەر بسڕەوە، پاکی بکەوە!
خوایە خۆشی بگێڕەوە بۆ ژیانمان، رووناکی و رۆشنایی زیاترمان پێببەخشە، لە کاتە سەختەکان زیاتر رێنموییمان بکە!
خوایە بمانکە دۆست و خۆشەویستی قورئان، زیاتر بە مانا قوڵەکانی ئاشنامان بکە، یارمەتیمان بدە کاری پێبکەین، بیکە رێنموکاری رێگای ژیانمان!
خوایە جوانتر فێرمان بکە لە بیروباوەڕی تەوحید، رێگاکانی تێگەیشتن بە تەوحید، حەسانەوە لە ژێر سایە و سێبەری تەوحید!
خوایە دڵمان پەیوەست بکە بە زوهد و دونیا بە کەم سەیرکردن، وزەی زیاترمان پێ ببەخشە بۆ کارکردن بۆ ماڵی قیامەتمان، ئەوێ زیاتر ئاوەدان بکەینەوە!
خوایە ئارامی زیاترمان پێ ببەخشە لەسەر عیبادەتەکان، لامان خۆشەویست بکە، بێ بەشمان مەکە لەو کردەوانەی کە پلەمان لای تۆ بەرز دەبێتەوە!
خوایە عیزەت و سەربەرزیمان پێ ببەخشە، گران و سەنگین ترمان بکە، رێز و شکۆمان پێ ببەخشە بە گوێڕایەلی کردنی تۆ!
Comments
Post a Comment