خوایە فێری ئەو زانستەمان بکە کە سودبەخشە، زانستی ئیمان و ئیسلام، زانستی ئاداب و خوڕەوشت، جوانمان بکە بەو زانستە و بەرز و ڕێزدارمان بکە!
خوایە رزقی دونیامان بەسەر فراوان بکە، لە هەژاری دوورمان بخەوە، بە فەزڵی خۆت دەوڵەمەندمان بکە، بێ نیازمان بکە لە ئینسانەکان!
ئەی بۆ هەمیشە زیندوو، بە زیکر و نزیکبوونەوە لە خۆت، دڵمان بە زیندوو بهێڵەوە، بەرچاو رۆشنمان بکە لەسەردەمێک تاریکایی بە رووناکی پێناسەکراوە، گومڕایی بە هیدایەت!
خوایە زیاتر رێنموویی خۆتمان نیشان بدە، تەقوامان بۆ زیاد بکە، خوڕەوشتمان جوانتر و بەرزتر بکە!
خوایە پەنامان بدە لە شەڕ و خراپەکانی شەیتان، لە شەر و خراپەی نەفس، لە شەڕ و خراپەی ئەوانەی لە تۆ دوورن!
خوایە ئەو زانستەمان پێ ببەخشە کە سوودمان پێدەگەیەنی، کە لە تۆمان نزیک دەخاتەوە، تاریکاییەکانی ژیان و سەر ڕێگامان پێ دەرەوێنێتەوە!
خوایە رووی دڵمان وەرگێڕە بۆ لای خۆت، رووناکی بکەوە، ژەنگ و پیسیەکانی پاک بکەوە!
Comments
Post a Comment