ئەی بەرفراوانکاری رزق و رۆزی، ئەی زۆر میهرەبان و بەخشندە، دەرگای رزقی دونیا و قیامەتمان بەسەردا بکەوە، بۆمان بەرفراوان بکە، خۆت دەوڵەمەندمان بکە بە فەزڵ و منەتی خۆت، ساتی وەڵامدانەوەی دوعاکانمان بۆ پێش بخە!
خوایە لە نوێژەکان یارمەتیمان بدە، بەردەوام بین، لە کاتی خۆی ئەنجامیان بدەین، دڵمان بەتەواوی پەیوەست بکە بە نوێژ و دوعاکردن، لە کاتی ناخۆشی و بەڵادا پەنا بۆ نوێژ ببەین!
خوایە دڵنیاییەکی زیاترمان پێببەخشە بۆ قیامەت، زیندووبوونەوە، حەشر و حیساب، تامەزرۆییمان زیاد بکە بۆ بەهەشتەکان!
خوایە بمانگێڕە بە یەکێک لەوانەی کە تۆ هیدایەتت داون، بەردەوام هیدایەتەکەمان بەسەرەوە زیاد بکە، بیکە رۆشناییەکی زۆر درەوشاوە بۆ ژیانمان!
خوایە لە دووڕوویی بمانپارێزە، بمانکە بە یەکێک لەوانەی راستگۆن لەگەڵ تۆ، لەگەل خەڵکی، بمانگەیەنە پلەی راستگۆیان!
خوایە بە قورئانەکەی خۆت بێدارمان بکەوە، سود وەربگرێ لە ئاگاداریەکانی ناوی، بەهرەمەند و سەفرازمان بکە بە قورئان، قەدر و بەهای زیاترمان پێببەخشە، جوانترمان بکە!
خوایە دڵمان بپارێزە لە گوناهـ، پڕی بکە لە تەقوا و خۆشەویستی خۆت، رووناکی بکەوە بە رەحم و بەخشندەیی بەرامبەر بەندەکانت!
Comments
Post a Comment