ئەی بەخشندەی میهرەبان، ئاوێک بڕژێنە بەسەر ئەو فیتنانەی دەیانەوێ بێنە ناو دڵمان، خۆشەویستی دونیا و خۆشیەکانی لە دڵمان لەق بکە، ئەو زمانەمان پێببەخشە هەمیشە زیکری تۆ دەکات، ئەو چاوەمان پێببەخشە کە لە ترسی تۆ دەگری، گریانێکی زۆر!
خوایە بەروبومی کارە چاکەکانمان لە دواڕۆژ پێنیشان بدەوە، رازیبوون و ملکەچی خۆت بکە بە گەورەترین و بەبەهاترین دیاری بۆمان!
ئەی زاناترینی ناو هەموو بوونەوەر، زانستی سوودبەخشمان بۆ زیاد بکە، ترسی تۆ بەرزترینی زانستەکان بێ، گومان بکوژێنەوە لە ناخمان، دڵنیایی بچەقێنە لە دڵمان، بەخششەکانت بەسەرمان زیاد بکە، ئەو زانستەمان پێببەخشە کە رێگامان بۆ رۆشن دەکاتەوە، تاریکاییەکانی بەردەممان دەمرێنن!
خوایە لەو زانستە دوورمان بخەوە کە سوودمان پپێناگەیەنێ، پەنامان بدە لەو دڵەی کە لە تۆ ناترسێ، لەو نەفسەی کە تێرنابێ، لەو دوعایەی کە تۆ وەڵامی نادەیەوە!
خوایە خەم و ئازارەکانمان لەسەر لابە، شیفای نەخۆشییەکانمان بدە، لە شوێنی گومان دڵنیاییمان پێ ببەخشە، لە شوێنی جەهل زانستمان پێ ببەخشە، لە شوێنی تاریکی رۆشناییمان پێ ببەخشە!
خوایە سەبر و ئارامیمان بۆ زیاتر بکە لەسەر دینداری و داپۆشراوی، لە شەرم و حەیا، لە هەڵخەرەتێنەرەکانی دەوروبەر پارێزراومان بکە!
خوایە ئەو زیکرانە بخە سەر زمان و دڵمان، کە تۆ پێی رازی، خۆشت دەوێن، دەبێتە هۆی پاک بوونەوە و بەرزبوونەوە!
Comments
Post a Comment