خوایە لە کاتی نەبوونی پاڵپشتی و زۆربوونی خیانەت و ناپاکی و دووروویی، پەنامان هێناوەتە لای تۆ، خۆت پەنامان بدە و بمانپارێزە!
خوایە لە رابردوومان خۆشبە، داهاتوومان بۆ جوانتر و باشتر بکە، ئێستاش ئەوەمان پێ ببەخشە کە تۆ بە بەندە چاکەکانت دەبەخشی!
خوایە ئازارەکانی ژیانمان لەسەر لابە، هێزی ئارامیمان لا بەهێزتر بکە، پشت بەستان و متمانە بەخۆتمان لا زیاد بکە!
خوایە نوێژ بکە بیلبیلەی چاوەکانمان، لە کاتی ناخۆشی و بەڵایەکان زوو بیرمان بخەوە پەنا بۆ نوێژ و سەبر ببەین!
خوایە هەموو ئەوانەمان پێببەخشە کە داوامان لێکردووی، رۆژە خۆشەکانمان بۆ پێش بخە، لە بەڵا و ناخۆشی دوورمان بخەرەوە!
ئەی بەخشندە، ئەی میهرەبان، ئەی پاشا، ئەی خاوەنی عەرشی گەورە، ئەی دڵنیاکەرەوە، ئومێد بگێڕەوە بۆ ناو دڵ و دەروونمان، بۆمان رووناک بکەوە، خەونەکانمان بۆ بکە بەڕاستی!
خوایە دەرگاکانی رەحمەتی خۆتمان بەروودا بکەوە، هێز و توانای زیاترمان پێببەخشە بۆ کاری چاک و باش!
Comments
Post a Comment