خوایە هەموو خێرێکمان بۆ پێش بخە، ئەوەی دەیزانین، ئەوەشی کە نایزانین؛ لە هەموو شەڕ و خراپەیەک دوورمان بخەوە، ئەوەی کە دەیزانین، ئەوەشی کە نایزانین!
خوایە لە سۆز و میهرەبانی خۆت بەهرەمەندمان بکە، وا بکە بەزەییمان بێتەوە بەوانەی کە پێویستیان بە یارمەتیە، بە بەزەیی خۆت دامانپۆشە!
خوایە عەیب و کەم و کوڕیەکانمان بشارەوە، لە گوناهەکانمان خۆشبە، ئەو کردەوانەمان لا ئاسان بکە، کە پاداشتی زۆرە، فەزڵ و گەورەیی زۆرمان پێدەبەخشن!
خوایە لەو ساتانە رەحممان پێبکە کە دێینە بەر حوکم و دادگای تۆ، پێیەکانمان جێگیر بکە، لێخۆشبوونی خۆتمان پێببەخشە!
خوایە فێری تەوحیدمان بکە، تەنها تۆمان بوێ، بە تۆ رازی بین، تەنها پشت بە تۆ ببەستین، خۆشویستن و رق لێبوونەوەمان لە پێناو تۆ بێ، لە پێناو تۆ ببەخشین و نەیبەخشین!
خوایە زیاتر هیدایەتمان بدە بۆ رێگای خۆت، لە ساتە زۆر سەختەکان بەهانامان وەرە، پەنامان بدە لە شەڕ و خراپەی نەفسمان!
خوایە فەزڵی خۆت بڕژێنە سەرمان، هەروەک چۆن ڕژاندوتە بەسەر پیاوچاکان، زاد و زەخیرەی بەرفراوانی سەفەری قیامەتمان بۆ زیاد بکە!
Comments
Post a Comment